Bugun ajdodlarimiz Alisher Navoiy hamda Zahiriddin Muhammad Bobur tavallud kuni munosabati bilan Kadastr agentligi va tizim tashkilotlarida "Ma'naviyatimizda buyuk siymolarning o'rni" nomli ma'naviy-ma'rifiy tadbirlar o’tkazildi.

Tadbirda Kadastr agentligi direktori o'rinbosari Mirsaid Mirmaksudov,  O'zbekiston yozuvchilar uyushmasi a'zosi Ma'mura Zohidova, O'zbek adabiy til me'yorlari va davlat tilida ish yuritish markazi bo'lim boshlig'i O'rinboy Boboyorov, O'zbek tilini rivojlantirish jamg'armasi direktori o'rinbosari Guljamol To'ychiyeva hamda agentlik xodimlari ishtirok etishdi.

Ma’naviy-ma’rifiy uchrashuv davomida tashrif buyurgan mehmonlar ishtirokida Navoiy va Boburning hayoti va ularning o'zbek tili rivojiga qo'shgan hissasi haqida so'z bordi.